கூகிள் க்ரோம் மூலம் மற்றொரு கணினியை அணுக

டீம் வீயூவேர் பற்றி அனைவரும் அறிந்திருப்பர் இந்த மென்பொருள் மூலம் நாம் தொலைவில் உள்ள கணினியை அணுகலாம் அது மட்டுமல்ல அவர்கள் செய்வதை நாம் பார்வையிடலாம் இந்த மென்பொருளானது அதிகமாக கம்பனிகளில் தான் பயன்படுத்தபடுகிறது ஒரு கணினியை நாம் நம் வீட்டில் இருந்தவாரே சரி செய்துவிடலாம் அது மட்டுமல்ல இதன் மூலம் கோப்புகளையும் பரிமாறிக்கொள்ளலாம். இது அனைவரும் அறிந்த ஒன்று தான்.
ஆனால் இப்பொழுது கூகிள் க்ரோம் மூலம் நாம் இதே வேலையை செய்ய இயலும் இதற்காக ஒரு சொருகுநிரல் ஒன்று உள்ளது இதனை நீங்கள் நம் க்ரோமில் நிறுவவேண்டும் அவ்வளவு தான் நாம் டீம் வீயூவேரை இயக்குவதுபோல இந்த மென்பொருளையும் இயக்கலாம் மேலும் இது உலாவியில் இயங்குகிறது.

இதனை பதிவிறக்க : CHROME REMOTE DESKTOP

இதனை மேலே குறிபிட்டுள்ள தளத்திற்கு சென்று தரவிறக்கி நிறுவிக் கொள்ளுங்கள். பின்னர் உங்கள் உலாவியை மறுதொடக்கம் செய்து கொள்ளுங்கள்.


பின்னர் அந்த நிரலை திறந்து ALLOW என்பதை சொடுக்குங்கள்.அதில் SHARE THIS COMPUTER என்ற பொத்தான் இருக்கும் இதன் மூலம் நீங்கள் உங்கள் நண்பர் உங்கள் கணினியை இயக்கலாம் அந்த பொத்தானை சொடுக்கினால் உங்கள் கணினிக்கான எண் உங்களுக்கு வழங்கப்படும் பின்னர் அதை நீங்கள் உங்கள் நண்பரிடம் அழித்து உங்கள் கணினியை அவர் அணுக விடலாம்.

நீங்கள் உங்கள் நண்பரின் கணினியை அணுகுவதற்கு SHARE THIS COMPUTER பொத்தானுக்கு கீழே ACCESS A SHARED COMPUTER என்ற பொத்தானை அழுத்துங்கள் பின்னர் வரும் சொற்ப்பெட்டியில் உங்கள் நண்பரின் கணினி எண்ணை அழித்து CONNECT என்பதை அழுத்துங்கள் அவ்வளவு தான் உங்கள் நண்பரின் கணினியை நீங்கள் பார்வையிடலாம்.

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

படங்களில் இருந்து எழுத்துக்களை மட்டும் பிரித்து எடுக்க ! !

இப்பொழுது எல்லா வகையான செயல்களுக்கும் மென்பொருள்கள் வந்துவிட்டது உதாரணத்திற்கு நாம் ஒரு பக்கத்திற்கு ஒரு ஆவணத்தை தட்டாசு செய்ய வேண்டுமென்றால் அதை நாம் வாசித்தால் போதும் அதை கணினியே தட்டாசு செய்கிறது சில மென்பொருள்களின் உதவியோடு இதுமட்டுமல்ல இன்னும் பல கடினமான வேலைகளை மிக விரைவாகவும் எளிதாகவும் செய்யலாம். அந்த மாதிரியான மென்பொருள்தான் இது ஒரு படத்தில் உள்ள எழுத்துக்களை படத்தில் இருந்து மிக எளிதாக காப்பி செய்து விடலாம்.

இந்த மென்பொருள் மூலம் ஒரு படத்தில் பல எழுத்துகள் இருந்தால் அதில் குறிப்பிட்ட சில எழுத்துக்களை மட்டும் நாம் காப்பி செய்து அதனை ஒரு நோட்பேடிலோ அல்லது வோர்ட் ஆவணத்திலோ(DOCUMENTS) பேஸ்ட் செய்து கொள்ளலாம்.மேலும் இதனை பயன்படுத்துவதும் மிகவும் எளிது.

இந்த மென்பொருளை பதிவிறக்க : GT TEXT

இதனை பயன்படுத்த :

• மேலே உள்ள தளத்திற்கு சென்று இந்த மென்பொருளை பதிவிறக்கி நிறுவிக்கொள்ளுங்கள்.
• பின்னர் இந்த மென்பொருளை திறந்து எந்த படத்தில் இருந்து எழுத்துகளை காப்பி செய்ய வேண்டுமோ அந்த படத்தை தேர்வு செய்யுங்கள்.
• உங்கள் படம் திறக்க படும் அதில் உங்கள் சுட்டியை இடது கிளிக் செய்து இழுங்கள் உங்களுக்கு தேவையான வற்றை தேர்வு செய்யுங்கள்.
• பின்னர் கையை எடுங்கள் ஒரு சின்ன விண்டோ வரும் அதில் நீங்கள் தேர்வு செய்த எழுத்துக்களுடன் பொத்தான்களும் இருக்கும்.
• நீங்கள் தேர்வு செய்தது சரியாக வந்துவிட்டால் CONTINUE என்ற பொத்தனை அழுத்துங்கள் உங்கள் எழுத்துக்கள் காப்பி ஆகிவிடும் பின்னர் அதனை எங்கு தேவையோ அங்கு பேஸ்ட் செய்துகொள்ளுங்கள்.
• நீங்கள் தவறாக தேர்வு செய்துவிட்டால் CANCEL பொத்தானை அழுத்துங்கள்.

அவ்வளவு தான் முடிந்துவிட்டது நமக்கு தேவையான எழுத்துக்களை மிக எளிதாக படங்களில் இருந்து காப்பி செய்துவிடலாம்.இந்த மென்பொருள் DTP வேலைகளுக்கு மிகவும் பயனுள்ளதாக இருக்கும்.

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

ஃபயர்ஃபாக்ஸில் குறிப்பிட்ட டேபினை மட்டும் மறைக்க ! ! ( TO HIDE TABS)

ஃபயர்ஃபாக்ஸ் உலாவியை பற்றி நான் சொல்லி தெரிவதில்லை அந்த அளவுக்கு அது பிரபலமான ஒரு உலாவி இந்த உலாவியில் பல வகையான வசதிகள் இருக்கின்றன. பல வகையான உலாவிகள் வந்தாலும் இதன் பயனாளர்கள் குறைவதேயில்லை. அது மட்டுமல்ல இந்த உலாவியில் நாம் பல வகையான நீட்சிகளை நாம் நிறுவிக்கொள்ளலாம் இதன் மூலம் பல வேலைகளை நாம் மிக எளிதாக செய்து விடலாம்.

நாம் பார்கபோகும் நீட்சி சற்று வித்தியாசமானது இதன் மூலம் நாம் சில ரகசிய வேலைகள் செய்யலாம். இந்த நீட்சியானது நாம் உலவிக்கொண்டு இருக்கும் டேபினை மறைக்கிறது. யாராவது நாம் உலாவுவதை பார்க்க கூடாது என்று எண்ணினால் நீங்கள் இந்த நீட்சியை பயபடுத்தலாம்.

நீங்கள் ஒரு டேபினை மறைத்து விட்டால் அது நம் உலாவியின் ADD ON  டூல்பாரில் மறைந்து இருக்கும். இதனால் நீங்கள் வேலை செய்யும்போது யாரவது குறுகிட்டால் அல்லது அழைத்தால் நீங்கள் அதனை மறைத்து வைத்துவிட்டு செல்லலாம் மற்றவர்கள் பார்த்தால் நீங்கள் மறைக்காத பக்கங்கள் மட்டுமே தெரியும். உங்களுக்கு எப்பொழுது வேண்டுமோ அப்பொழுது அதனை திறந்து பார்க்கலாம்.

இதனை தரவிறக்க : HIDE TAB

இதனை பயன்படுத்த : 

• மேலே உள்ள சுட்டியை சொடுக்கி இதனை நிறுவிக் கொள்ளுங்கள்
• பின்னர் நீங்கள் பக்கத்தை மறைக்க CTRL + Q என்று அழுத்தினால் உங்கள் பக்கம் மறைந்துவிடும்.
• மறைத்த பக்கத்தை மறுபடியும் திறக்க உங்கள் உலாவியின் கீழே வலது புறத்தில் சிகப்பு நிறத்தில் உள்ள இடத்தை அழுத்துங்கள் நீங்கள் மறைத்து வைத்த எல்லாப் பக்கங்களும் வரும்.
• அதனை அழுத்தி நீங்கள் மறைத்த பக்கங்களை மறுபடியும் பார்க்கலாம்.

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

கூகிள் க்ரோமை அலங்கரிக்க சில நீட்சிகள் ( ADD ONS)

கூகிள் நிறுவனம் பற்றி அறியாதவர்கள் யாரும் இருக்க மாட்டர்கள் இந்த நிறுவனமானது தினம் தினம் புதிய மற்றும் ஏராளமான வசதிகளை அறிமுகப்படுத்தி கொண்டே தான் இருக்கிறது. இந்த பதிவு அதிகமாக பயன்படுத்த படும் கூகுளின் க்ரோம் பற்றியது தான். நம்மில் பலரும் இந்த உலாவியை தான் பயன்படுத்துகிறோம். இந்த உலாவியை அழகாக்க பல நீட்சிகள் இணையத்தில் இலவசமாக கிடைக்கிறது அவற்றில் சிலவற்றை பற்றி பார்ப்போம்.




1. ஸ்பீட் டயல் : 

இந்த நீட்சி பற்றி ஏராளமானவர்களுக்கு தெரிந்திருக்கும் இந்த நீட்சி மூலம் நாம் சில தளங்களுக்கு எண்களை அழிக்கலாம். பின்னர் அந்த தளத்திற்கு செல்ல நீங்கள் அந்த எண்னினை தட்டாசு செய்து ENTER பொத்தனை அழுத்தினால் போதும். உடனே உங்கள் உலாவி உங்களை அந்த இணைய தளத்திற்கு கொண்டு சென்றுவிடும்.

2.புக் மார்க்குகளுக்கான நீட்சி : 

இந்த நீட்சி உங்கள் உலாவியின் முகப்பு பக்கத்தை அழகாக மாற்றுகிறது இந்த நீட்சி உங்களின் புக் மார்க்குகளை அழகாக ஒரு பட்டியலிட்டு அதனை உங்கள் உலாவியின் நடுவில் வைக்கிறது.மேலும் இந்த நீட்சி நீங்கள் கடைசியாக பயன்படுத்திய பக்கங்களையும் மூடிய பக்கங்களை பட்டியலிடுகிறது. அதுமட்டுமல்ல நீங்கள் இதில் குறிப்புகளை எழுதி நேரடியாக ஜிமெயிலில் பதிவு செய்யலாம். இதற்கும் இந்த நீட்சி பயன்படுகிறது.

3. புது டேபின் பின்புல படத்தினை மாற்ற : 

இந்த நீட்சி மூலம் நாம் நம் டேபின் பின்னால் உள்ள படத்தை மிக எளிதாக மாற்றலாம். இதில் FLICKR - இல் உள்ள படத்தை உங்கள் டேபின் பின்னணியில் வைக்கலாம். இதனால் நீங்கள் ஒவ்வொரு முறை புதிய டேபினை திறக்கும் போதும் உங்களுக்கு பிடித்த படம்தான் வரும்.

குறிப்பு : அதன் பக்கத்திருக்கு செல்ல தலைப்பில் சொடுக்குங்கள் 

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

விண்டோஸ் கணினியை ஆப்பிள் கணினியாக ஆக மாற்ற

நம்மில் பலரும் விண்டோஸ் இயங்குதளம் கணினி தான் அதிகமாக பயன்படுத்துகிறோம் ஆனால் நம்மில் பலருக்கும் ஆப்பிள் கணினி மீது அதிக ஆர்வம் இருக்கும் அதை எப்படியாவது பயன்படுத்த வேண்டும் என்ற ஆசையும் இருக்கும்.அதில் உள்ள கிராபிக்ஸ் மற்றும் அதன் அனிமேஷன் இதற்க்கு முக்கியமான காரணமாக இருக்கலாம். இந்த பதிவில் நாம் எப்படி ஒரு விண்டோஸ் கணினியை ஆப்பிள் ஆக மாற்றுவது என்பது பற்றி பார்ப்போம்.

நாம் விண்டோவ்சின் இயல்பான தோற்றத்தை மிகவும் எளிதாக அப்பிளை போல மாற்றலாம் இதற்க்கு நாம் ஒரு மென்பொருளை நிறுவவேண்டும் பின்னர் கணினியை மறுத்தொடக்கம் செய்ய வேண்டும் அவ்வளவு தான்.

இந்த மென்பொருள் நம் கணினியை அப்படியே ஆப்பிள் கணினி போல தோற்றத்தில் மாற்றுகிறது மற்றும் MAC இல் உள்ள அனிமேஷனோடு வருகிறது.

இதனை பதிவிறக்க :  MAC OSX LION

மேலே உள்ள சுட்டியில் உள்ள மென்பொருளை பதிவிறக்கி கொள்ளுங்கள் இதனை நாம் சாதரணமாக மற்ற மென்பொருள்கள் நிறுவுவது போல நிறுவுங்கள்.பின்னர் உங்கள் கணினியை பாருங்கள். இதில் 4 வகையான தீம் இருக்கிறது அதில் நீங்கள் உங்கள் விருப்பதை போல் தேர்வு செய்யுங்கள்.

இதனை பெருவதற்க்கு உங்கள் டெஸ்க்டாப்பில் வலது கிளிக் செய்து அதில் PERSONALIZE என்பதை தேர்வு செய்யுங்கள் அதில் INSTALLED THEMES என்ற பிரிவில் உங்களுக்கு பிடித்த தீம்சை தேர்வு செய்யுங்கள்.

இப்படி இருக்கும் உங்கள் விண்டோ :

இப்படி  ஆகிவிடும் :

இது உங்களுக்கு பிடிக்கவில்லை என்றால் அதனை அன்இன்ஸ்டால் செய்து கொள்ளுங்கள். உங்கள் கணினி முதலில் இருந்தது போல மாறிவிடும். 

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

VLC மூலம் வீடியோக்களின் வடிவத்தை மாற்ற ( CONVERTING VIDEOS)

VLC MEDIA PLAYER-ஐ பற்றி தெரியாதவர்கள் இருக்க இயலாது அந்த அளவுக்கு இந்த பிளேயர் புலமை பெற்றுவிட்டது. இதன் மூலம் நாம் எந்த வடிவமுள்ள கோப்பினையும் பார்வையிடலாம் இது தான் இதன் மிகப்பெரிய அனுகூலமாகும். இதனாலே இந்த மென்பொருளை அனைவரும் விரும்புகின்றனர். அதுமட்டுமல்ல இதில் ஏராளமான பயன்பாடுகளும் உள்ளது இதை பற்றி ஏற்கனவே ஒரு பதிவு எழுதியிருந்தேன் அதை படிக்க இங்கே அழுத்துங்கள்.

நம்மில் பலர் வீடியோவின் வடிவத்தை மாற்றுவதை ஒரு வேலையாகவே செய்வோம். அதன் வடிவத்தை ஒவ்வொரு கைபேசிக்கும் ஏற்றவாறு அல்லது அதனை ஆடியோ கோப்பாகவோ மாற்றுவோம். இதற்காக பல வகையான கோப்புகளையும் நிறுவி வைத்திருப்போம். ஆனால் அந்த வேலைகளை VLC யின் மூலமாகவும் நாம் பார்க்கலாம் அது பற்றி பார்ப்போம்.

VLC யின் மூலம் வீடியோ கோப்பின் வடிவத்தை நாம் மிகவும் எளிதாக மாற்றலாம்.

அதற்க்கு நீங்கள் செய்ய வேண்டியது :

• முதலில் VLC-ஐ திறந்து கொள்ளுங்கள்.
• பின்னர் அதில் MEDIA  >  CONVERT/SAVE என்பதை அழுத்துங்கள் அல்லது CTRL + R அழுத்துங்கள் 

• பின்னர் கோப்பினை ADD பொத்தானை அழுத்தி தேர்வு செய்து கொள்ளுங்கள்.
• பின்னர் கீழே உள்ள CONVERT/SAVE அருகில் உள்ள முக்கோண பொத்தானை அழுத்தி CONVERT என்பதை தேர்வு செய்யுங்கள்.

• ஒரு புது விண்டா திறக்கும் அதில் DESTINATION FOLDER என்பதில் இடத்தை தேர்வு செய்யுங்கள்.
• அதன் கீழே உள்ள PROFILE என்பதில் வடிவத்தை தேர்வு செய்து CONVERT ஐ அழுத்துங்கள் 

இந்த மென்பொருளை பயன்படுத்தி நீங்கள் வீடியோவை ஆடியோவாக கூட மாற்றலாம் என்பது குறிப்பிடத்தக்கது.

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

யூடியுப்பில் வீடியோவின் ஏற்று நேரத்தை ( LOADING TIME ) குறைக்க ! !

 யூடியுப் பற்றி அறியாதவர்கள் இருக்க இயலாது இந்த தளத்தில் இல்லாத வீடியோக்களே கிடையாது என்று கூட கூறலாம் அந்த அளவுக்கு இதில் வீடியோக்கள் குவிந்துள்ளது அதிகமாக பார்வையிடும் தளங்களில் இதுவும் ஒன்று. இதில் சாதரண வீடியோ முதல் HD வீடியோ வரை இல்லா விதமான வீடியோவும் இருக்கிறது. இந்த தளத்தை பற்றி பேசிக்கொண்டே போகலாம் ஆனால் இதில் இருக்கும் ஒரே பிரச்சனை நாம் வீடியோவை பார்க்கும்போது ரொம்ப நேரம் லோட் ஆகும்.

இது நம் இணைப்பை பொறுத்தது தான். இதற்க்கு இந்த தளமே ஒரு தீர்வை தருகிறது. நாம் ஒரு 5 நிமிடம் வீடியோவை பார்க்க 10 நிமிடம் காத்திருக்க வேண்டும் இதனை அறிந்த யூடியுப் தளம் FEATHER என்ற ஒரு வசதியை அறிமுகபடுத்தி உள்ளது இது வீடியோவின் ஏற்று நேரத்தை குறைக்கிறது. இதனால் நாம் வீடியோவை எந்த இடையுறும் இல்லாமல் பார்க்கலாம். இதை இந்தியாவில் கூகிள் அறிமுகபடுத்தியுள்ளது.

இந்த வசதியை பெருவதற்க்கு இதை அழுத்துங்கள் .


பின்னர் JOIN FEATHER BETA என்பதை அழுத்துங்கள். அவ்வளவு தான் இனிமேல் நீங்கள் வழக்கம்போல யூட்யுபை பார்வையிடலாம் சற்று வேகமாக.



இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !

இணையத்தில் மற்ற பக்கங்களை பார்க்கும்போதும் யூடியுப் வீடியோ பார்க்க

இணையத்தில் யூடியுப் பற்றி அறியாதவர்கள் இருக்கவே இயலாது. யூடியுப் என்பது இணயத்தில் வீடியோக்களை பகிரும் மிகப்பெரிய தளம். இந்த தளத்தில் பல ஆயிரக்கணக்கான வீடியோக்கள் குவிந்த கிடக்கிறது. இதில் இருந்து வீடியோக்களை பதிவிறக்க பல வலிகள் உள்ளது அதுமட்டுமல்லாது பல வகையான நீட்சிகளும் உள்ளது. ஆனால் நாம் பார்க்கபோகும் நீட்சி சற்றே வித்தியாசமானது.

நாம் ஒரு வீடியோவை இணையத்தில் பார்க்கும்போது அதை மட்டும் இருந்து பார்ப்பதில்லை மற்ற வேலைகளையும் செய்வோம் அந்த நேரங்களில் நாம் வீடியோவை நிறுத்திவிட்டு மற்ற வேலைகளை பார்ப்போம் பின்னர் நம் வேலைகளை முடித்துவிட்டு அந்த வீடியோவை பார்ப்போம். இதனால் நமக்கு நேரம் தான் வீணாகிறது. நாம் ஏன் இரண்டையும் ஒரே நேரத்தில் செய்யக்  கூடாது ஆம் நாம் இணையத்தில் மற்ற பக்கத்தை பார்க்கும்போதும் அல்லது கணினியில் மற்ற வேலைகளை செய்யும்போதும் யூடியுப் வீடியோக்களை பார்க்கலாம்.

இதற்க்கு ஒரு நீட்சி நமக்கு உதவுகிறது இது கூகுளின் க்ரோம் ( GOOGLE CHROME) உலாவிக்கானது. இந்த நீட்சியின் மூலம் நாம் நம் டெஸ்க்டாப்பில் மற்ற வேலைகளை செய்யும்போது அல்லது மற்ற தளங்களை பார்வையிடும் போது கூட வீடியோக்களை கண்டுகளிக்கலாம். இந்த நீட்சி வீடியோவை சிறிதாக நம் டெஸ்க்டாப்பின் வலது பக்கத்தில் வைக்கிறது இதனால் நீங்கள் உங்கள் வேலையை செய்யும்போது இதனை பார்க்கலாம்.

இதனை பதிவிறக்க : PICTURE-IN-PICTURE 

இதனை பதிவிறக்கி நிறுவிக்கொள்ளுங்கள். இதனை நிறுவியவுடன் வீடியோவிற்கு கீழே PIP என்ற பொத்தான் தோன்றும். அதை அழுத்தினால் நீங்கள் பார்க்கும் வீடியோ சிறியதாக உங்கள் டெஸ்க்டாப்பின் வலது பக்கத்தில் தோன்றும். உங்களுக்கு தேவைப்படும்போது நீங்கள் அதை நீங்கள் பார்வையிடலாம்.

அதுமட்டுமல்ல நீங்கள் ஒவ்வொரு முறை PIP பொத்தானை அழுத்தும்போதும் வீடியோ ஒன்றின்மேல் ஒன்றாக அடுக்கி கொண்டே போகும். நீங்கள் வீடியோவை இயக்கிவிட்டு நீங்கள் விரும்பும் பக்கதுக்கோ அல்லது உங்கள் வேலைகளை செய்யலாம்.

இந்த பதிவு பயனுள்ளதாக இருந்தால் கீழே உள்ள ஓட்டு பட்டைகளில் ஒரு ஓட்டு போட்டுவிட்டு செல்லுங்கள் மற்றவர்களும் பயனடைவார்கள்! !